കേരളപോലീസിന്റെ നവീകരിച്ച ഓൺലൈൻ സിറ്റിസൺ പോർട്ടൽ 'തുണ' 

പോലീസ് സ്റ്റേഷനുകളിൽ പരാതി നൽകൽ, എഫ്.ഐ.ആർ പകർപ്പ് ലഭ്യമാക്കൽ, അപകടകേസുകളിൽ ഇൻഷുറൻസ് ക്ലെയിമിന് സമർപ്പിക്കേണ്ട രേഖകൾ (ജി.ഡി എൻഡ്രി), പോലീസ് എൻ.ഐ.ഒ.സി. സർട്ടിഫിക്കറ്റ്, ഉച്ചഭാഷിണി ഉപയോഗിക്കുന്നതിനുളള അനുമതി തുടങ്ങിയ സേവനങ്ങൾക്കായി പുതിയ പോർട്ടൽ വഴി അപേക്ഷിക്കാം. പോലീസ് എൻ.ഐ.ഒ.സി സർട്ടിഫിക്കറ്റ്, ഉച്ചഭാഷിണി ഉപയോഗിക്കുന്നതിനുളള അനുമതി തുടങ്ങിയ സേവനങ്ങൾക്കുളള പണം അടയ്ക്കാൻ ഓൺലൈൻ പെയ്മെൻറ് രീതികളും പുതിയ പോർട്ടലിൽ ലഭ്യമാക്കിയിട്ടുണ്ട്. ഈ സംവിധാനത്തിലൂടെ അപേക്ഷയോടൊപ്പം സമർപ്പിക്കേണ്ട രേഖകൾ ഓൺലൈനായി അപ് ലോഡ് ചെയ്യാനും കഴിയും.

അപേക്ഷപ്രകാരമുളള സേവനങ്ങളും രേഖകളും മറ്റും പോർട്ടൽ മുഖാന്തിരം തന്നെ ലഭിക്കുന്നതിനാൽ പൊതുജനങ്ങൾക്ക് പോലീസ് സ്റ്റേഷനിൽ പോകാതെ തന്നെ ആവശ്യമായ രേഖകൾ കൈപ്പറ്റാം. ഓരോ സേവനത്തിനുമുളള അപേക്ഷകളുടെ തൽസ്ഥിതി എസ്.എം.എസ് അല്ലെങ്കിൽ പോർട്ടൽ വഴി അപേക്ഷകർക്ക് ലഭ്യമാകും. രജിസ്റ്റർ ചെയ്ത പരാതികൾക്ക് രസീതും ലഭിക്കും. പോലീസ് നൽകുന്ന സർട്ടിഫിക്കറ്റുകളുടെ ആധികാരികത തെളിയിക്കുന്നതിനുളള സംവിധാനവും ഏർപ്പെടുത്തിയിട്ടുണ്ട്.

..... മാർച്ച് - 8 : അന്താരാഷ്ട്ര വനിതാ ദിനം സ്ത്രീശാക്തീകരണ വരമായി ആചരിക്കുന്നു .....
അന്താരാഷ്ട്ര വനിതാദിനത്തോടനുബന്ധിച്ച് തൃശ്ശൂർ റൂറൽ പോലീസ് ജില്ലയിൽ സ്ത്രീശാക്തീകരണ വാരമായി മാർച്ച്  - 7 മുതൽ 14 വരെ ദിവസങ്ങളിൽ ആചരിക്കുന്നു. " സുസ്ഥിരമായൊരു നാളേയ്ക്കു വേണ്ടി ഇന്ന് വേണം ലിംഗ സമത്വം " എന്നതാണ് ഈ വർഷത്തെ വനിതാ ദിനത്തിൻെറ മുദ്രാവാക്യം. സ്ത്രീശാക്തീകരണ വാരാചരണത്തിൻെറ ഭാഗമായി തൃശ്ശൂർ റൂറൽ ജില്ലാ പോലീസ് താഴെ പറയുന്ന പരിപാടികൾ പൊതുജന പങ്കാളിത്തത്തോടെ സംഘടിപ്പിക്കുന്നു.

1) മാർച്ച് 7 മുതൽ 12 വരെ ദിവസങ്ങളിൽ ഇരിഞ്ഞാലക്കുട വനിതാ പോലീസ് സ്റ്റേഷൻ, ചാലക്കുടി, കൊടുങ്ങല്ലൂർ സബ്ബ് ഡിവിഷണൽ ഓഫീസുകൾ
 എന്നിവിടങ്ങളിൽ വെച്ച് വനിതാ മെഗാ അദാലത്ത് സംഘടിപ്പിക്കുന്നു. 
2) മാർച്ച് 7-ാം തിയ്യതി തിങ്കളാഴ്ച വൈകിട്ട് 5 മണിക്ക് കുഴിക്കോട്ട്കോണം കിക്ക്- ഷോക്ക് സ്പോർട്സ് അരീനയിൽ വെച്ച് തൃശ്ശൂർ റൂറൽ ജില്ലാ പോലീസിൻെറ നേതൃത്വത്തിൽ സൗഹൃദ ഫുട്ബോൾ മത്സരം നടത്തുന്നു. മത്സരത്തിൽ ചാലക്കുടി പിങ്ക് പോലീസും കൊടകര പഞ്ചായത്ത് ഫുട്ബോൾ ടീമും ഏറ്റുമുട്ടുന്നു. പ്രസ്തുത മത്സരത്തിന് വിശിഷ്ടാതിഥികളായി ഇരിങ്ങാലക്കുട നഗരസഭാ ചെയർപേഴ്സൺ ശ്രീമതി. സോണിയാ ഗിരി പങ്കെടുക്കുന്നു. തുടർന്ന് സ്ത്രീശാക്തീകരണത്തിൻെറ ഭാഗമായി തൃശ്ശൂർ റൂറൽ ജില്ലാ പോലീസ് തയ്യാറാക്കിയിട്ടുള്ള ഷോർട്ട് വീഡിയോ പ്രകാശനം, സിനിമ പ്രദർശനം എന്നിവ സംഘടിപ്പിക്കുന്നു. 
3) 07.03.2022 തിയ്യതി രാത്രി 8 മണിക്ക് തൃശ്ശൂർ റൂറൽ ജില്ലാ പോലീസ്, തൃശ്ശൂർ ജില്ലാ മെഡിക്കൽ ഓഫീസ്, ലയൺസ് ക്ലബ്ബ്, കുടുംബശ്രീ എന്നിവരുടെ നേതൃത്വത്തിൽ കാട്ടൂരിൽ രാത്രികാല നടത്തം സംഘടിപ്പിക്കുന്നു. 
4) 09.03.2022 തിയ്യതി രാവിലെ 11 മണിക്ക് ചെന്ത്രാപ്പിന്നി CHSS ൽ വെച്ച് സ്ത്രീശാക്തീകരണ വിഷയത്തിനെ അധികരിച്ചുള്ള ക്ലാസ് നടത്തുന്നു. തുടർന്ന് സ്ത്രീ സുരക്ഷയുമായി ബന്ധപ്പെട്ട് കേരള പോലീസ് തയ്യാറാക്കിയ "കാവൽ" വീഡിയോ പ്രകാശനം, തൃശ്ശൂർ റൂറൽ ജില്ലാ വനിതാ പോലിസ് ഉദ്യോഗസ്ഥർ അവതരിപ്പിക്കുന്ന സ്വയം പ്രതിരോധ പരിശീലനത്തിൻെറ പ്രദർശനം എന്നിവ സംഘടിപ്പിക്കുന്നു. 
5) 11.03.2022 തിയ്യതി തൃശ്ശൂർ റൂറൽ ജില്ലാ പോലീസ് മേധാവി തൊഴിൽ ഇടങ്ങളിലെ സ്ത്രീകളുടെ സുരക്ഷ സംബന്ധിച്ച് വനിതാ പോലീസ് ഉദ്യോഗസഥർ, വനിതാ ജീവനക്കാർ എന്നിവരുമായി ഓൺലൈനിൽ സംവദിക്കുന്നു. 
6) 13.03.2022 തിയ്യതി തൃശ്ശൂർ റൂറൽ ജില്ലാ പോലീസ് ഇരിഞ്ഞാലക്കുട നഗരസഭ, വിങ്സ് കേരള എന്നിവരുടെ നേതൃത്വത്തിൽ ഇരിഞ്ഞാലക്കുട സെൻെറ് ജോസഫ് കോളേജ് സ്റ്റേഡിയത്തിൽ വെച്ച് വനിതാ വോളി ബോൾ മത്സരo സംഘടിപ്പിക്കുന്നു. 
സ്ത്രീശാക്തീകരണത്തിനും ലിംഗ സമത്വത്തിനുമായി തൃശ്ശൂർ റൂറൽ ജില്ലാ പോലീസ് സംഘടിപ്പിക്കുന്ന വിവിധ പരിപാടികളിലേയ്ക്ക് എല്ലാവരെയും സ്വാഗതം ചെയ്യുന്നു.

തൃശ്ശൂർ റൂറൽ ജില്ലാ പോലീസിന് ഇത് അഭിമാന നിമിഷം!.
      തൃശ്ശൂർ റൂറൽ ജില്ലയിലെ ആദ്യത്തെ ISO സർട്ടിഫൈഡ് പോലീസ് സ്റ്റേഷഷൻ ആയി 1988 ൽ  സ്ഥാപിതമായ കൊരട്ടി പോലീസ് സ്റ്റേഷനെ തിരഞ്ഞെടുത്തു. സ്റ്റേഷനിൽ നിന്നും പൊതു ജനങ്ങൾക്ക് ലഭിക്കുന്ന സേവനങ്ങൾ മുൻനിർത്തിയാണ് പോലീസ് സ്റ്റേഷനുകൾക്ക് ISO സർട്ടിഫിക്കേഷൻ ലഭിക്കുന്നത്. ഫലപ്രദമായ രീതിയിൽ കുറ്റകൃത്യങ്ങൾ തടയുന്നതിനുള്ള പ്രവൃത്തികളും കുറ്റാന്വേഷണം, ക്രമസമാധാന പാലനം, പൊതുജന സമാധാനം ഉറപ്പുവരുത്തൽ, മയക്കുമരുന്ന് ഉപയോഗം തടയുന്നതിനും, കണ്ടെത്തി പിടികൂടുന്നതിനും കൊരട്ടി പോലീസ് സ്റ്റേഷൻ വളരെയധികം പ്രശംസ നേടിയിട്ടുണ്ട്. വിവിധ ആവശ്യങ്ങൾക്കായി സ്റ്റേഷനിൽ വരുന്നവർക്ക് ഏർപ്പെടുത്തിയിരിക്കുന്ന അടിസ്ഥാന സൗകര്യങ്ങൾ എന്നിവ വിലയിരുത്തിയാണ് ISO അധികൃതർ സർട്ടിഫിക്കേഷൻ നൽകുന്നത്. ഇതിനു പുറമെ പൊതുജന സൗഹാർദ്ദ അന്തരീക്ഷം, ഗ്രീൻ പ്രോട്ടോകോൾ സംവിധാനം, ആകർഷവും സൗഹാർദപരവുമായ പോലീസ് സ്റ്റേഷൻ പരിസരം, സ്റ്റേഷനിൽ ക്രമീകരിച്ചിരിക്കുന്ന സുരക്ഷാ സംവിധാനം, ശുചീകരണ സംവിധാനം, പോലീസ് സ്റ്റേഷൻ രേഖകളുടെ ഉചിതവും മാതൃകാപരവുമായ സംരക്ഷണവും എന്നീ വിഷയങ്ങൾ ISO സർട്ടിഫിക്കേഷനുവേണ്ടി പരിഗണിക്കപ്പെട്ടിട്ടുണ്ട്.
ജനങ്ങളുടെ പരാതികൾക്ക് കാലതാമസം കൂടാതെയുള്ള പരിഹാരവും, സ്റ്റേഷനിൽ വരുന്ന എല്ലാവർക്കും ഇരിക്കാനും ആവശ്യത്തിന് വിശ്രമിക്കാനുമുള്ള സൗകര്യവും, വായന സൗകര്യം, വിദ്യാർത്ഥികൾ, പൊതുജനങ്ങൾ എന്നിവരുമായുള്ള ആശയവിനിമയം, ട്രാഫിക് നിയന്ത്രണം, പോലീസ് ഉദ്യോഗസ്ഥർക്ക് റിഫ്രഷ്മെൻെറിനു വേണ്ട സ്ഥലവും സൗകര്യവും, തൊണ്ടി മുതലുകൾക്കു QR കോഡ് പതിപ്പിച്ചുകൊണ്ടുള്ള സംവിധാനവും ISO അധികൃതരുടെ ശ്രദ്ധ പിടിച്ചുപറ്റി. ജനമൈത്രി പോലീസ് സംവിധാനവും, 'പാഥേയം' എന്ന പേരിൽ ജനമൈത്രി പോലീസിൻെറ സഹായത്തോടുകൂടി സൗജന്യമായി ഭക്ഷണം വിതരണം ചെയ്യുന്നതും പ്രാഥമിക ആരോഗ്യകേന്ദ്രവുമായി ബന്ധപെട്ടു പോലീസ് ഉദ്യോഗസ്ഥരുടെ ജീവിത ശൈലി രോഗങ്ങൾക്ക് ആവശ്യമായ ചികിത്സ സൗകര്യവും ഏറെ ശ്രദ്ധ നേടിയ കാര്യങ്ങളായിരുന്നു. മൂന്നുമാസത്തിലധികമായി ISO അധികൃതർ പല തവണ സന്ദർശനം നടത്തി പോലീസ് സ്റ്റേഷൻെറ പ്രവർത്തനങ്ങൾ നിരീക്ഷിച്ച ശേഷമാണ് കൊരട്ടി പോലീസ് സ്റ്റേഷനെ അന്താരാഷ്ട്ര നിലവാരമുള്ള ISO സർട്ടിഫൈഡ് പോലീസ് സ്റ്റേഷൻ ആയി ഉയർത്തുന്നതിനുള്ള നടപടികൾ സ്വീകരിച്ചത്.
ബഹു. തൃശ്ശൂർ ജില്ലാ റൂറൽ പോലീസ് മേധാവി മിസ്. ഐശ്വര്യ ഡോങ്റെ IPS അവർകളുടെ നേതൃത്വത്തിൽ ചാലക്കുടി DySP ശ്രീ. C.R സന്തോഷ്, കൊരട്ടി SHO, ശ്രീ. B.K അരുൺ എന്നിവർ നൽകിയ നിർദ്ദേശങ്ങളും ഈ നേട്ടത്തിന് സഹായകമായി. ചാലക്കുടി M L A ശ്രീ. സനീഷ് കുമാർ ജോസഫ് അവർകളുടെ സാന്നിധ്യത്തിൽ ISO കേരള പ്രതിനിധി ശ്രീ. N. ശ്രീകുമാറിൽ നിന്നും പ്രസ്തുത സർട്ടിഫിക്കറ്റ് 03/03/2022 നു ബഹു. തൃശ്ശൂർ ജില്ലാ റൂറൽ പോലീസ് മേധാവി മിസ് ഐശ്വര്യ ഡോങ്റെ IPS, തൃശൂർ റൂറൽ പോലീസിനുവേണ്ടി ഏറ്റുവാങ്ങി.