തൃശൂർ റൂറൽ ജില്ലാ പോലിസിന്റെ നേതൃത്വത്തിൽ ജനസമ്പർക്ക പരിപാടിയും ബോധവത്ക്കരണ ക്ലാസ്സും. തൃശൂർ റൂറൽ ജില്ലാ പോലീസ് മേധാവി ശ്രീമതി ഐശ്വര്യ ദോങ്ഗ്ര IPS പൊതുജനങ്ങളുമായി നേരിട്ട് സംവേദിക്കുന്ന  ജനസമ്പർക്ക പരിപാടിയുടെ ആദ്യ പാദത്തിന് കൊടുങ്ങല്ലൂർ  സബ്ബ് ഡിവിഷനിൽ തുടക്കമായി. കൊടുങ്ങല്ലൂർ സബ് ഡിവിഷൻ പരിധിയിലെ വിവിധ റസിഡൻസ്  അസോസിയേഷൻ പ്രതിനിധികളെ പങ്കെടുപ്പിച്ച് കൊണ്ടാണ് ആദ്യത്തെ ജനസമ്പർക്ക പരിപാടിക്ക്  ജില്ലയിൽ തുടക്കമായത്. കൊടുങ്ങല്ലൂർ ദർബാർ ഹാളിൽ09.06.2022 തിയതി 4 മണിക്ക് സംഘടിപ്പിച്ച ജനസമ്പർക്ക പരിപാടി തൃശൂർ റൂറൽ ജില്ലാ പോലീസ് മേധാവി ശ്രീമതി. ഐശ്വര്യ ദോങ് ഗ്ര IPS  ഉത്ഘാടനം നിർവഹിച്ചു. ജനങ്ങളുടെ ജിവനും സ്വത്തിനും സുരക്ഷയും സുരക്ഷിതത്വവും ഉറപ്പ് വരുത്തുന്നതിന്  പോലിസ് വകുപ്പ്  ആവിഷ്ക്കരിച്ച് നടപ്പിലാക്കുന്ന വിവിധ പദ്ധതികളും ആയത് പൊതുജനങ്ങളുമായി സഹകരിച്ച് നടപ്പിലാക്കുന്നതിനെ സംബന്ധിച്ചും  പോലീസ് - പൊതുജന ബന്ധം കൂടുതൽ ഊഷ്മളവും സുതാര്യവും ആക്കുന്നതിനെപ്പറ്റിയും, റെസിഡൻഷ്യൽ  ഏരിയയിൽCCTV സ്ഥാപിക്കുന്നതിനെ സംബന്ധിച്ചും ആയതിന് റെസിഡൻഷ്യൽ അസ്സോസിയേഷനുകൾ മുൻകൈ എടുക്കുന്നതിനെ സംബന്ധിച്ചും , കുട്ടികൾ ഇന്റർനെറ്റ് / സോഷ്യൽ മീഡിയ കൈകാര്യം ചെയ്യുമ്പോൾ അവലംബിക്കേണ്ടുന്ന സുരക്ഷാ മാർഗ്ഗങ്ങൾ സംബന്ധിച്ചും തൃശൂർ റൂറൽ ജില്ലാ പോലീസ്  കൈകൊള്ളുന്ന നടപടികളും  ബഹു. ജില്ലാ പോലീസ് മേധാവി വിശദികരിച്ചു. പരിപാടിക്ക് മുന്നോടിയായി  സൈബർ ബോധവത്ക്കരണ ക്ലാസ്സ് , ജനമൈത്രി സുരക്ഷാ പദ്ധതിയെ സംബന്ധിച്ച് വിശദികരണം, വനിതകൾക്കും കുട്ടികൾക്കുമുള്ള സ്വയരക്ഷാ പരിശിലനം എന്നിവയും സംഘടിപ്പിച്ചു.